بسطيلات د الحوت

المقادير


-زلافة كبيرة قمرون منقي وطايب فالزبدة+معدنوس مقطع+ملح+ثوم+ابزار
-زلافة كبيرة كلمار مسلوق فالماء و الحامض و2 ورق سيدنا موسى+3 ريوس ثوم منقيين
-زلافة كبيرة ميرلا (او اي حوت ابيض)مسلوقة فالماء و الحامض و2 ورق سيدنا موسى+3 ريوس ثوم منقيين..منين كتسلق كنزولو ليها الجلدة والشوك بعناية باش ما نفرتتوهاش
- زلافة كبيرة من الفطرمسلوق فالماء 5 دقائق ثم نديوه و نجيبوه فالزبدة+معدنوس مقطع+ملح+ثوم+ابزار
+صلصة الصوجا+صلصة الانشوبة(اختياري) -5 معالق كبار زيتون اخضر مقطع صغير
-1/2 حامضة مصيرة مقطعة صغيرة جدا
-زبدة مذوبة+زيت+شوييييية ملح و ابزار+معدنوس مقطع باش ندهنو الورقة
-ورقة البسطيلة

الطريقة
كيف ما شفتوا ..كنطيب كل حاجة بوحدها باش كتزول الزفرة دكل حاجة و مايجي شي طالق فشي

كنستعمل طبسيل د زاج غارق(مقعر) كقالب باش يجيو قياس واحد


كندهن الطبسيل (بالزبدة مذوبة+زيت+شوييييية ملح و ابزار+معدنوس مقطع ) ثم تندهن الورقة الاولى و تنحط فوقها الورقة الثانية ثم تندير الحشوة 



و كنطوي بالطريقة الي فالصور

ثم كنقلبها فمقلاة الفرن و كنشعل عليها من الفوق و التحت فنفس الوقت
وكنخليها تتحمر


ملاحظة
الى كنتو غادي تخبيوهم فالمجمد ضاعفو عدد الورقات و حاولو تنقصوا
جناب الورقات اللي الداخل باش مايجيوش البسطيلات معجنين


منقوول