كيفية تحضير البسطيلة سهلة ماهلة

مقادير مرق الدجاج الخاص بتحضير بسطيلة

2 بصلات مشلضين

ضرس ثوم (منكتروهاش)
القزبر والمعدنوس مقطعين
الدجاج حسب المتوفر حتى 1,5 كيلو
العطرية: البزار+ سكين جبير+ ملح + الخرقوم البلدي + الملون الغدائي
زيت الزيتون و زيت المائدة ( نسيت ماصورتهمش)

الطريقة :

نضع الكل في طنجرة الضغط مع حك الثوم

ونخليوه حتى يتشحر عاد نضيفو الماء

نسدو الطنجرة ونخليوه حتى يطيب وينشف من الماء عاد نحلو عليه ثم نفتتوه مع ازالة العظام والجلدة
(ملي كان الدجاج كيطيب وجدت الورقة بطريقة شوميشة :قياس من الدقيق نفسه ماء يعني الى درتي كاس دقيق نستعملو كاس ماء نطحنو الكل في الخلاط جيدا نديروالتفال على حمام مريم ونبداو النوجدو الورقة بالشيتة واللي طابت ندهنوها بالزيت)

بالنسبة لمقادير الحشوة هادي كل المقادير اللي غادين نحتاجو

مقدير حشوة البسطيلة

الدجاج مفتت
الشعرية الصينية المطلوقة بالماء الساخن
الورقة
الفطر ماكول (علبة متوسطة) مقطع
الزيتون اخضر دوائر
الكورنيشو دوائر (4 او 5 حبات)
المعدنوس مقطع
الحامض مسير مقطع ( ربع حامضة)
الموزريلا محكوكة او الادام حسب المتوفر
الكامون
الهريسة
التحميرة نسيت ماصورتهاش هي والشرمولة ديال الدجاج

طريقة التحضير مصورة

كنوضعو جميع المقادير عدا الفروماج مع الشرمولة اللي فالطنجرة نخلطو الكل ونعمرو بيه البسطيلة ونزينو بالموزريلا

نضع قطع الزبدة ثم تدخل الفرن

وهاهي واجدة بالصحة والراحة

الدجاج المحمر على الطريقة المغربية

المقادير :
6دجاجات (الكمية حسب عدد الأشخاص)
التوابل
السمن
القزبور والمعدنوس
الحامض مصير
ونتوما بداو غير بدجاجة وحدة
طريقة التحضير:
نغسلو الدجاج بالملح و الخل و سكين جبير و نخلوه إيبات في الترقيدة ديالو حتى للصباح و نغسلوه مزيان و نحطوه يتسقطر
الشرمولة:
نحتاجوليها 3 معالق كبار سكين جبير
3 معالق خرقوم بلدي
ملعقة صغيرة مخلطة بسيبيسة و قعقلة مطحونين
2معالق كبار سمن
ملعقة كبيرة إبزار
ملعقة صغيرة قرفة
ثوم مدقوق أنا كندير 3 فصوص للدجاجة
قزبور و معدنوس
نصف حامضة مصيرة مقطعة رقيق
شوية من ملون آصطناعي
الملح غير شوية
الطريقة :
تنخلطو جميع المكونات مع كأس كبير من الماء
ثم كنبداو نرقدو الدجاج في الشرمولة و حنا كندخلوها مزيان و نحكوها ما بين اللحم و الجلدة و أيضا وسط الدجاجة ثم كنربطو ليهم رجليهم
كنرقدو الدجاج ساعة ثم نزيدو عليه كأس ماء و نحطوه إيطيب على نار مهيلة
حتى يغلى مزيان ثم نضيفو 4 بصلات مشلظين رقاق و كأس زيت مخلط رومي و
بلدية و نقلبو الدجاج على كرشو و نخلوه يطيب على نار مهيلة
منين يطيب الدجاج نجهدو العافية باش يتنقص المرق ثم نحيدو الدجاج من المرق و نحطوه في لاطة و ندهنوه بالسمن او الزبدة و ندخلوه للفرن يتحمر
كنسلقو الزيتون ونصفوه و نزيدو عليه مغرفة من المرق و نخلوه يشرب ليقامة مزيان
كنشحرو المرقة ليبقات على نار متوسطة مع التحراك حتي تولي عاقدة,
في الأخير كنحطو الدجاج في طبق التقديم و نخويو شوية المرق و نزينو بالزيتون ابصحة ورحة

منقول

بسطيلة بريستيج

لحم الكتف محمرة

من مطبخ الاخت دعاء القلوب جزاها الله كل خير


بسم الله وعلى بركة الله 

المقادير 
معلقة صغيرة لكل من هد التوابل 



ملح ابزار سكينجبير خرقوم بلدي تحميرة كمون شوية الزعفران شعرة مسخن ومحكوك شوية السمن 
معلقة كبيرة من الموطارد وتقريبا 5 ضريسات تاع التوم مطحون 
واللحم بطبيعة الحال انا هنا عملت الكتف يمكن ليكم تعملوا اي حاجة طريفات اللحم عاديين او الضلعة 



تنخلط جميع العطرية لي عندي ونرمل بيها اللحم مزيان ونخليه مرقد واحد الساعة تقريبا والا كانوا جايين عندك الضياف من الاحسن يترقد ليلة كاملة هكا تتهناي منو وغي تتنوضي فالصباح وتبالي بيه 



تنحطوا فالكوكوت وتنرش عليه معلقة صغير قزبر حبوب تكون مطحونة من قبل واحد ضريس تاع التوم صحيح و نزيد تقريبا 3 كيسان عنبة ماء ونسد عليه فالكوكوت متنقليه مووالوووو 



مرة مرة تنهز الكوكوت ونبق نحركها وهي مسدودة نرجعها فوق العافية ملي نحس بيه شرب الماء تنحل عليها لقيت اللحم طاب صافي ملقيتوش تنزيد ميهة ونسد عليه مرة اخرى 



هنا اللحم طابت زولتها وحطيتها فاللاطة لي غتدخل الفرن ودهنتوا بالزبدة وشوية زعفران شعرة 



نحطوا يتحمر من 2 جيهات 



هنا رافقتوا مع خضيرة مبخرة وملي طابت صوطيتها فزبيدة والملحة والابزار والكمون كل حاجة بوحدها بطبيعة الحال 



وها الشليضات لي رافقتوا بيهم 

منقول                                                                                                                       

الدجاج المحمر

1 خديت 6 دجاجات

غسلتهم بالما ء من بعد حكيتهم مزيااااااان بالملح و الحامض ( خليتهم شي 15 دقيقة اوعودت شللتهم)




2 تبلتهم من الداخل و الخارج ب ملح + ابزار + سكين جبير+ فلفل احمر حار + فلفل احمر حلو + خرقوم بلدي + و ملون اصطناعي + لب 2 حامضات مصيرين + قزبر و معدنو س+ 2 بصلات مشلضين + 8 فصوص ثوم مهروسين

وجمعت ليهم رجيلاتهم

3 درت كل دجاجة فبلاستيكة او دخلتهم للمجمد ( ليلة كاملة اوليلتين ( قبل ميطيبو باش يجي بنين)







ملي بغيت نطيبهم ( بعد مرور 24ساعة) نزلتهم فطنجرة او زدت نفس التوابل لي تبلت بيها الدجاج من قبل + 4 بصلات مشلضين + زيت المائدة ( كنديروحتى كيبدى يتقلى) من بعد كنزيد معلقة كبير ( قعقلة وبسيبيسة مطحونين) + كنبقى نحرك الدجاج مرة مرة










( دوك لقشيوشات لي كيكونو فالدجاج + جنيحات) درتهم فكوكوط

زيت + ملح + ابزار + سكينجبير + قعقلة وبسيبيسة + فلفل حار + فلفل حلو + خرقوم + بصلة مشلضة + ثوم مهروس

اوطيبتهم

اما لكبيدات درتهم بوحدهم ف ماء + كمون + خرقوم + ملح + زيت + فلفل احمر حار








عسلت المشماش ف شوية ماء + ماء زهر + قرفة + عسيلة + مسكة حرة

اوخديت الكركاع ( قسمتو فالنص) او دخلتو للفرن مدة 3 دقائق باش يجي مقرمش

من بعد ملي طاب الدجاج زولتو من الطنجرة او نزلتو فوق شبكة باش يتسقطر مزياااااان

لاصوص لي بقات زدت ليها قرفة + عسل خليتها تعقاد شوي






خديت الكبيدة او زدت ليها كمون + ملح + زيت الزيتون + هريسة ( مزياااااان)

اوبقيت كنمعسها بالفورشيط

من بعد خديت الحامض المصير خويتو من اللب او عمرتو بالكبدة او زينتو بزيتو ن اسود

كيجيو بحال الطريبشات هههههههههه







شوية خديت 4 ضامات زعفران + موطارد + سمن و زبدة و هوما باش دهنت الدجاج او دخلتو يتحمر







بالنسبة للتقديم

نزلت 3 دجاجات فكل صحن او زينتو بدوك الطريبشات لي وجدت هههههههههههههه و شوية مشماش و كركاع






بالصحة والراحة 

منقول