على بركة الله سنحتاج ل
دجاجة
2 بصلات مشلضين
2 م ك قزبر و معدنوس
ابزار سكينجبير خرقوم بلدي زعفران شعرة شوية دالسانوج ملح
ربع م ص سمن راس م ص لقيامة دالمروزية و 3 او 4 حبات قاع قلة او الهيل
ربع كاس صغير حامض معصر
نص كاس صغير زيت بلدية
نخلطو جميع العناصر باستثناء الزيت بلدية
ناخدو الدجاجة و نحكو ليها مزيان هاد التشرميلة و نحكوها مابين الجلد و اللحم
ثم نشرطو بموس باش تدخل ليقامة لداخل فاللحم
غطيتها ببلاستيك و خليتها ٤ دسوايع تقريبا فحرارة المطبخ
درتها تقلى و زدت عليها الزيت
تقريبا ١٥ لدقيقة على عافية مهيلة
غطيت الدجاجة بالما و خليتها طيب على راحتها( طاوة عادية ماشي كوكوت)
منين طابت الدجاجة زولتها من المرقة
خليتها بردات شوية
دهنتها كلها بالزبدة و دخلتها للفران غطيتها ببابي المينيوم سخون و مرة مرة كنت كناخد م ك من المرقة و كنسقي بيه الدجاجة باش ماتنشفش
هاهي منين وجدات
خليت الطاوة دالمرقة كتقلى على نار متوسطة و مرة مرة كنحركها حتى بقا فيها تقريبا مغرفة و نص و تقلات البصلة و دابت مزيان
منقول
ليست هناك تعليقات:
إرسال تعليق