مملحات بحشوات مختلفة

اعداد مملحات بحشوات مختلفة بالصور

مقادير :
بنسبة للعجين

3 كيسان دقيق كل كاس يهز 180غرام
نص كاس دانون طبيعي
ملح
4 معالق زيت
معلقة خميرة د الحلوة
معلقة كبيرة خميرة حبوب
معلقة سكر

طريقة تحضير :

كنخلط خميرة حبوب مع سكر و-3 معالق ما دافي ونغطيه ونخليه يخمر
ملي يطلع الخليط نزيد على باقي المقادير ونعجنو بالماء
كتجي رخوة
نغطيها ونخليها تخمر

بنسبة للحشوة ممكن تستعملو لي بغيتو

أنا ليوم ستعملت 4 حشوات من إختياري وشكلت عجينة على 4 أشكال

و نتومة لكم الإختيار

الحشوة الأولى:

شحرت كفتة مع بصلة زيت زيتون و عطرية وربيع وزدت عليها زيتون أسود مطحون

وطريقة الحشوة:

كنقطع العجين كويرات و-نغطسهم ف زيت ونستفهم ف طاوة

من بعد نضغط عليهم من لوسط على هاد شكل ونتقبهم بالفرشط

نعمرهم وندير زعتر وندهنهم بالبيض

ونرش حبات البركة أو ليبغيتو

ملي طابت درت عليها فروماج محكوك

الحشوة التانية:

شحرت السبانخ مع بصلة

ملح بزار ربيع وزدت فروماج كريمي

طريقة الحشوة:

قطعت العجين دوائر
حطيت الحشو
وجمعتها من جناب على هاد شكل
دهنته بالبيض
ملي طابت درت عليها فروماج محكوك

الحشوة التالتة:

شحرت بصلة مع فلفلة وزيت زيتون

زدت الطون ملح بزار ربيع زيتون خضر مطحون

طريقة:

قطعت العجين مربعات ذهنتهم ف الفروماج ممكن دهنو بالميونيز

وحطيت العمارة وفروماج محكوك وجمعتها على شكل حربل

ذهنتها بالبيض ورشيت زنجلان

حشوة الرابعة

قطعت العجين دوائر

حطيت فرماج كريمي ورشيت بالزعتر وجمعتها على شكل خبيزة

ذهنتها  بالبيض

ملي طابت درت عليها فروماج محكوك

هاهم وجدين بصحة والراحة

منقول