طريقة تحضير رغايف بالبصلة والفرماج بالصور
رغيفات بالبصلة والفرماج للاخت وردة مغربية
مقادير رغايف بالبصلة والفرماج
للعجينة:
زلافة دقيق الفورص
زلافة دقيق الفينو (قمح سبيسيال)
طريف الزبدة لينة
ملح
معلقة صغيرة سنيدة
قبيصة الخميرة الفورية
قطرات من الخل
للحشوة:
البصلة الخضرا (الحريف) مشلظة
زيت بلدية
ملح+ابزار+كمون
قزبور و معدنوس مفروم
الفروماج مثلتات
الفروماج الطويل مقطع طريفات صغار أو محكوك غليظ
للتوراق:
الزيت
شوية الفينو+شوية الفورص+نصف خمارة الحلوى مخلطين
طريقة تحضير رغايف بالبصلة والفرماج
نشحر البصلة فالزيت حتى تتحمر و نزيد الملحة و الإبزار و الكمون و في الأخير القزبور و المعدنوس و نحيدها من فوق العافية...
نخليها تبرد و نخلط معاها الفروماج
نورق العجينة بالزيت و نرشها بخليط الدقيق و الخميرة نعمل شوية الحشوة و نطويها على شكل رغيفة و أنا كنرش الجوانب خليط الدقيق
نورق كويرة أخرى من العجين و نرشها بخليط الدقيق
نحط الرغيفة المعمرة الوسط و نطويها
ملي نكمل تشكيل الرغايف نسخن مقلة ثقيلة و نبدا نسرح الرغيفة الأولى ونطيبها على نار متوسطة و أنا كنرشها من الجوايه بزوج بالزيت و نقلبها حتى تتحمر
هاهما الرغايف بالبصلة والفرماج
ليست هناك تعليقات:
إرسال تعليق