هادي الكلية بالكراميل تتجي زوينة و تتعجب الوليدات الصغار لي بغات تبدل من الكلية بالملح الى الكلية بالكراميل
المقادير
الكلية تنضن كلشي تيعرف يصاوبها
3 كيسان عنبة سنيدة
كاس ماء
معلقة صغيرة ملح
1 فاني
3 معالق كبار زبدة
معلقة صغيرة و نصف بيكاربونات الصوديوم ولي معندهاش دير خمارة
أول حاجة ناخدو الطاوة ونلبسوها ورق الالمنيوم أو ورق الزبدة و ندهنو مزيان بالزيت و حتا المعالق او سباتيل باش نخلطو و الاناء فاش نخلطو كلشي ايكون مدهون بالزيت ضروري طبقو الطريقة مزيان
نوجدو الكلية و نكبوها ف الاناء فين غادي نخلطو
فكاسرونة كنديرو سنيدة+فاني+ملح+ماء+زبدة نحركوهم بشوية غير بدا يبان ليكم كيغلى نقصو العافية تكون مهيلة و منحركوش نهائيا
مرة مرة ناخدو شيتة نغطسوها فالما نسوسوها ونمسحو جناب كاسرونة باش ميتكونش حبيبات سكر مع البخار مبانتش الشيتة هههه
منين يولي لون الكراميل ذهبي نزيدو بيكاربونات الصوديوم و نحركو بسرعة راه كيتفاعل وهنا خصك تكوني سريعة ههههههه
نكبو الخليط على الكلية و ننخلطو مزيان و نكبوه فالطاوة و تسرحيهم بالخف قبل ميبرد الكراميل انا تعطلت شوية حيت كان خصني نصور هههه
نخليوهم يبردو مزيان و نبداو نفككو بشوية
منقول
ليست هناك تعليقات:
إرسال تعليق