السلام عليكم ورحمة الله
هاد الكراتان تيجي بنين ويمكن يكون طبق كامل وسريع لانه يمكن ليكم تنوعو فالحشوه ديالو
اما نديرو الطون و الزيتون
او الكفته مشحره
او الدجاج مفتت او....والانيقات اكيد عندهم افكار اخرى وكتتتتتتتتيره
نخلكم مع الصور باش تاخدو فكره على الكراتان
المقادير..
بطاطا مسلوقه مع الملح و درس ديال الثوم
بيضه
ملعقه كبيره ديال الزبده
ملح
ابزار
كامون حسب الرغبه
خبز محمص (شابلور)
قزبور ومعدنوس
الحشوه حسب الرغبه (انا استعملت المورتاديلا الحاره .. والجبن محكوك.. و المودزاريلا ...والزيتون مقطع)
الطريقه
كنقيو البطاطا ونمعكوها بالفرشاة وهي سخونه مع الزبده ونزيدو الملح والابزار والكمون و القزبور منين تبرد شويه كنزيدو بيضه ونخلطو مزيان
كندهنو مول بالزبده او مولات صغار فرديه وكنديرو فيه نصف كمية البطاطا
كندير الحشوه فوقها ونغطيها بالمودزاريلا والفروماج محكوك
ونعاود ندير البطاطا حتى تغطى كولها
نرشها بالخبز المحمص و قطع صغار زبده وندخلها حتى تتحمر وبصحتكم
==============================================
كويرات الكفته بالدنجال
المقادير
الكفته
الدنجال مقطع صغير ومشحر فشويه ديال زيت الزيتون و الملح
القزبور
ملح
ابزار
كمون
ثوم
الفروماج محكوك
المودزاريلا مقطعه
اصفر بيضه
الطريقه
كنخلط الكفته مع التوابل والدنجال و الفروماج محكوك وناخد كره بحجم المشمشه ونبسطها فراحه اليد وندير قطعه المودزاريلا ونجمع عليها الكفته و نكورها
ونديرهم فالدقيق
هنا ليك الاختيار...اما دوزيها فالبيض والخبز المحمص وتقليها
او ديريها فمول وديري عليها طريف زبده و شويه المودزاريلا ودخليها للفرن وبصحتكم
ليست هناك تعليقات:
إرسال تعليق