كسكسو سريع التحضير

كسكــــــــسو سريع التحضير

طريقةالاخت ام سعاد
 الله ينور ليك طريقك ويخلي ليك سعاد وما عز عليك

مكونات 

خيزو+اللفت بأنوعو 3+البصلة +مطيشة +قبيطة د الربيع مخلطة +الكرعة حمرة+لمكور

+الحمص منقوع

الطريقة 

طبعا الكل كيتنقا ويتغسل كما هو معروف 

انا كنعمل غير طنجرة الضغط  كتجني ساهلة ،كنعمل كاس ماء واللحيمات وعطرية اللى هي

خرقوم البلدي +ابزار+سكنجبير+مليحة وزيت ااكيد 

كنقطع البصلة غليضة هي وميشطة 

وكنشحر الكل مزياااان 

من بعد كنضيف الزيت ونحرك

كنعمل الماء كاافي اللى طيبتو من قبل 

ونضيف الحمص والفت محفور اللى كنت عمله وكنقفل كوكوط

كنحضر الخضرة ونتركها على جانبا 

ومباشر نحضر كسكسو 

كنعمل لقياس في قصرية ونرشو بالملح 

ونفرغ عليه ماء حتى يتبلل مزياااااااااااااااان

ما تخفوش ما كيتعلاكش ابدااااااااا

لما نبغو نعمله في كسكاس نحلوه بإدينا مزيان

ونترك حتى يفور 

لما كيفور كنضيفو الخضرة ديالنا في كوكوط 

الى هي خيزو والفت ومكور فقط 

ونعوده نفكه بماء يكون دافئ باش كتضاعف ودغيا كيفور لينا بسرعة 

وهدا السر الاول 

كنرر العملية مرتين 

وفي المرة التلات وهي الاخيرة 

و كنضفة الكرعة وربيع وهدا سر التاني الربيع كنضفوه حتى الاخير لانو  ما كيطبش 

بزاف وكيبقا بنكهة ديالو

ونضفو كدلك حبة مطيشة وضمة د السمن 

ونقفل عاود

نخد كسكسو من بعد ما فكينه بماء دافي 

كنخدو بصلة متوسطة وحكاكة د الخضرة جهة الى هي رقيقة

ونحكو البصلة  كما هو واضح 

وهداهو السر الثلات وخطير ههههه

ونفوره اخرى مرة 

باش نزولو بقاي د كسكسو من قصرية ونعمله يتفور حتى هو 

هدا يعني

كنبلو اديتنا بالماء وندوزها على قصرية غادي تبصح فحال اللى غسلنها 

من بعد ما كيفور كنعملو السمن طريطقة اللى كنا كنبغوه في كسكسو اللى صبح واجد  

وهاهي مريقة وااقفة ما فهش ماء بزاف انا كنْشَربْها ومن الاول كنعمل ماء كافي الى ما يشيطش ليا سوى زلايفة صغيرة باش كتكون مرقة تقليلة

وكنسقو وعملية عرفنها مشاء الله 

هاهي وجداة كتسنكم 

بالصحة راحة 

ومرحبا بيكم