2 زلايف كبار من الدقيق +2 معالق كبار سنيدة (انا درت السكر صقيل) +8 معالق كبار من ماء الزهر+كاس صغير و ربع من الزبدة تكون مذوبة و مصفية +شوية الملح+راس معلقة صغيرة من المسكة الحرة +قليل من الماء البارد
مقادير العقدة
1/2 كلغ من اللوز المسلوق منقي + 1/2 كلغ من السميدة الرقيقة مفورة + زلافة و نصف سكر سنيدة+ كاس صغير من الزبدة مذوبة و مصفية +نصف كيس صغير من المسكة الحرة مدقوقة +8 معالق كبار من ماء الزهر
طريقة تحضير كعب غزال بالصور
نبداو بالعقدة نطحن اللوزمع السكر سنيدة في المطحنة حتى يولي لين و نخلطه مع السميدة الرقيقة الي فورنا و سقيناها بماء الزهر و روح اللوز ونخلطو الكل مع المسكة الحرة و الزبدة و ماء الزهر حتى نحصل على عقدة
اللوز ندلكوها باش نشكلو منها صبيعات كنو اكيدين اي مقلتوش سر السميدة مكاينش الي يكتشف
دابا العجينة كنخلطو الدقيق مع الملح و السكر و المسكة الحرة انا درتها معاهم و نضيفو الزبدة نفركوهم بين ايدينا شوية عاد نضيفو ماء الزهر و القليل من الماء حتى تجمع العجينة و ندلكوها مزيان حتى تولي لينة و نقسموها كويرات و نخليها ترتاح في شي كيس بلاستيكي
نسرحو العجينة حتى تولي رقيقة بزاف ونوضعو العقدة
ونلوي العجينة ونشلكو الكعب ونقطعو بالجرارة
ونقادو الكعب بدينا
منين نقادو الكعيبات ديالنا كنتقبوهم بالابرة و ندهنهم بالزبدة و خليهم ليلة كاملة في الصباح نعود نتكهم
و ندخلهم يطيبو 5 دقايق و نخرجهم ندهنهم ببياض البيض و نرجعهم حتى يتذهب اللون ديالهم
ونقدمو الكعب
بالصحة والراحة
ليست هناك تعليقات:
إرسال تعليق