السفة المدفونة

المقادير والطريقة
كناخدو كيلو ديال الشعرية دلفوار ندهنوها مزيان بالزيت

ونديروها في كسكاس تفور

نخليوها تفور مزيان ونحيدوها من الكسكاس ونكبو عليها الماء سخون والملح ونفكوها بيدينا نتركها قليلا ثم نردوها للكسكاس تفورنعيد العملية حتى ترطاب فالأثناء لي كتكون شعرية تفور نديرو زيت في الكوكوت وأطراف الدجاج أو دجاجة كاملة ثم نضيف بصلتين مشلضتين نقليو شوية ثم نضيفو التوابل والملح نقليو شوية ثم نمرق ونضيف قسبر ومعدنوس مفرومين ونسدو الكوكوت مين يطيب الدجاج نحيدوه و نخليو المرقة تجمر شوية ثم نزولو زلافة ليال المرق ونشحرو الباقي حتى تبقا غي البصلة نضيفو فوقها البيض ونحركو مزيان
كناخدو اللوز مقلي نطحنوه مع سنيدة نخليوه شوية حرش ونخليو قليل من اللوز مفرفش بلا سنيدة نزوقو بيه
هاهي الشعرية منين كملات لفوار

هده المقادير لي غادي نزوقو بيها السفة

كنخدو شعرية لي فورنا كناخدو منها شوية نضيفوليه سكر كلاصي

و الباقي ديال شعرية كنديرو معاه المرقة لي خليناها

كناخدو طبسيل نديرو طبقة الأولى شعرية لسقيناها بالمرقة

ثم نضيف البصلة و البيض

ثم طيقة رقيقة ديال شعرية مسقية ثم نحطو فوقها الدجاج مفرتت

ثم طبقة رقيقة ديال شعرية لمسقية ثم اللوز

ثم الشعرية لي فيها سكر كلاصي

و نزينوها كبغينا أنا ديرت الفوق مربعات بالقرفة وعمرتهوم باللوز و في الجناب ديرت البيض و الزبيب مفور

وهذا الشكل النهائي للشعرية ديال السفة

منقول