طبق السمك في الفرن مع البصل والزبيب يمي يمي

اقدم لكم   طبق السمك  اللذيذ  في الفرن مع البصل والزبيب
من تقديم صديقتي الغالية على قلبي فاضمة 
الله يجزيها بخير

المقادير

سمكتين متوسطتي الحجم 
فلفلة حمراء مقطعة مربعات صغيرة
فلفلة خضراء مقطعة مربعات صغيرة 
3 حبات بصل مقطعة دوائر 
كاس صغير زبيب 
3معالق كبار حبات الزيتون الاخضر
راس ثوم محكوك
قزبور ومعدنوس  مكردين
ملح 
التوابل خرقوم تحميرة  لبزار سكنجبير الكمون
ربع كاس زيت الزيتون 

للمرق
ملعقة كبيرة معجون الطماطم

الطريقة 

ناخذ السمكتين ننظفوهم مزيان  
 نوجدو شرمولة ديال لحوت  العادية فيها لقزبر ولمعدنوس مغردين ثوم محكوك البزار لملح تحميرا كمون لملون  ملعقتي زيت الزيتون عصير الحامض نخلطو شرمولة  ونقسموها الى ثلات اقسام  
القسم  الاول ناخذوه ونشرملو  به السمكتين من الداخل والخارج ونرقدوهم فيها لمدة ساعة على الاقل

ناخذوصينية الفرن نستفو فيها دوائر البصل

ونوضعو فوق منها قليلا من

مربعات الفلفلة الخضراء والحمراء نضيفو  شوية الزيتون الاخضر وقسم ثاني ديال  الشرمولة 

نوضعو  السمكتين  فوق مزيج البصل والفلفل والزيتون ثم نوضعو من جديد ما تبقى من انصاف البصل والفلفلة مربعات والزيتون و ما تبقى ايضا من الشرمولة ونضيف الزيت والزبيب

تغطى السمكتين بورق القصدير وندخلوها للفرن لمدة ساعة الاربع

وبعد الطهي  نخلطو قليل من مرق السمك مع ملعقة كبيرة من  معجون الطماطم

 ويطهى على نار مهيلة وقبل تقديم السمك نتكوه بذيك المرقة اللي حضرنا

 وبالصحة والراحة