ممكن تشكلي بلاطو منوع بعجينة وحدة وبدون خميرة
والطريقة مقدمة من الاخت ام اسامة وايمان جزاها الله كل خير
والطريقة مقدمة من الاخت ام اسامة وايمان جزاها الله كل خير
مقادير و طريقة تحضير الحلويات
المقادير
250 غ زبدة ( زبدةخاصة بالحلويات تتباع في مرجان على شكل مستطيلات الثمن 60 درهم للكيلو )
كاس صغير زيت
كاس عنبة سكر
1 بيضة
فاني
الدقيق حسب الخليط
مفيهاش الخميرة
لتزيين حلويات العيد : سكر بودرة + مربى المشماش + لوز إفيلي + نباج + زبدة الكاوكاو + زنجلان + شعرية الشكلاط + مربى الفريز
طريقة التحضير
نخدم الزبدة والسكر وفاني ونضيف الزيت
نخدمها ونضيف البيضة
نخدمها مزيان ونبدا نضيف الدقيق شوية بشوية غير تجمع مزيان نوقف ومندلكهاش العجينة ديال الزبدة كل ما دلكتها غادي تطلب الدقيق أكثر
باقي المراحل مشروحة بالصور
ندهن اولا بابيض البيض ثم نرش نصف القلب بالزنجلان
بالنسبة لهاد الشكل باش نقطع الدائرة لي فالوسط كنقطعها بالبواطة ديال دوليبران مغسولة مزيان قياسها نفس قياس الدائرة لي فالمرشم
وملاحضة بسيطة أنا كنقطع الوسط حتى تكون فالصينية باش منهزهاش وتخسر لي
ندخلوها للفرن بعد اخراجها تزين كما في الصور
ها الشكل نرشه بالسكر الصقيل و نلصق واحدة مع الاخرى بالمربى
المربى كنعملها تسخن مع م ك سكر ونخليها تغلي وحد الشوية باش تتعلك وتبقا الحلوى لاصقة فبعضها
هذا الشكل ندهنه بالمربى ثن نمرره في اللوز ثم نلصق واحدة مع الاخرى
هذا الشكل يزين بزبدة الكاكاو : تباع في المحلات او ممكن تعويضها بنسلي كراميل
ندهن الجانب الاخر بالمربى و نرش بالفرمسيل
و هذه الصورة النهائية لبلاطو الحلويات
بالصحة و الراحة
ليست هناك تعليقات:
إرسال تعليق