بسم الله نبداو بمقادير العجينة
نص كيلو طحين ديال الحلوى
125g زبدة ديال العبار
معلقة ديال العسل أو ديال سكر كلاسي
ماء زهر لجمع العجين
العجينة خصها تدلك مزيان تكون قاصحة شوية
ندوزو المقادير عقدة اللوز
كيلو اللوز مفسخ مطحون الطحنة الاولى بحدو و التانية مع نص كيلو سنيدة
2 معالق كبار زبدة دايبة
2 معالق كبار ما زهر شوية المسكة الحرة مدقوقة
على بركة الله نبداو بالكعبة
نصايب من العقدة أصابع صغار
نطلقو العجينة أنا طلقتها بالماكينة كتسهل وكتجي رقيقة وسمك واحد
ونقادها على شكل كعبة كيف ما موضح في الصور لا صيبناها صباح نطيبها حتى لعشية والعكس صحيح ملي نبغيو ندخلوها فرن نتقب كل كعبة 3 تقبات باش ما تنفخش
الشكل التاني حلوة بطابع الوردة هادي سهلة بزاف وما تحتاجش بزاف ديال الخدمة
نصايب من العقدة كويرات صغار
نطلق العجينة ناخد شي طابع دائري نطبعو به العجينة ندير فكل دائرة كرة من العقدة ونجمعها ونطبعها بالطابع حتى هي نتقبها ملي نبغيو نطيبوها ملي طيب نذهنها بالنباج ونعمرو الوسط ديالها بالشكلاط أنا ما صورتش هاد المرحلة وندير فوقها البريو ديال الحلوة
الشكل التالت بعقدة اللوز ملونة
نصيب من عقدة اللوز كويرات صغار مقادين من بعد ما نكونو لوناها بتلاتة الألوان
نسرح العجينة ونطبعها بطابع داير أنا طبعتها بكاس صغير ندهن ببيض البيض ونحط 3 كرات بالوان مختلفة ونجمعو بين الكرة والكرة بعود السنان كيف ما بين في الصورة ونلصق العجينة على العقدة تم نطبع وردات ندهن بابيض البيض ونلصقهم فوق الحلوى
الشكل الرابع
نلون العجينة بالأخضر ونطلقها على شكل مستطيل وندير فوقو عقدة اللوز ونلوي حتى تغطى العقدة ونحيد الشياطة ديال العجينة تم نقطع كيف ما بين في الصورة
ندهن سطح الحلوى بأبيض البيض وندور عليها خيوط من العجينة لي خرجت بالماكينة ديال الرزيزة ندور 6 ديال لدورات حتى ال-8 من بعد نصيب هدوك الوريدات نلاقيهم ونلصقهم فوق الحلوة ونتبت الطرف الأخير ديالهم في الحلوة بواسطة عود السنان وندير لوزة في أبيض البيض ونخشيها في الحلوة ملي طيب الحلوة ندهنوها بالنباج ولا بغينا نرشوها بالبريو
منقول
ليست هناك تعليقات:
إرسال تعليق