طريقة تحضير الحامض المرقد بالبيت

السلام عليكم ورحمة الله وبركاته

 

 
مقـادير الحامض المسير


الحامض
الملح
الزيت
الماء .
طريقـة الحامض مسير


ـ كناخـذ الحامض اللي عنـدي وكنغسـلوا مزيـا ا ا ان ( حيت كيكـونوا صابغينوا بواحد لاصير
سائل شمعي لا لون له باش يعطي اللمعان والدليل على دلك هو منين كتنقي الليمونة ولا الحامضة كتلقي
في يديك بحال شـي قشيرات مشمعين صغيييرين ... أكيد غتكوني رديتي لها البال ...)
المهم كنفرك الحامض ونشللوا عدة مرات حتى كيتنقـى الما وما كيبقاش فيه والو .


شفتي هـادي هي لاسير كتطفو فوق لماء


ـ دابا كنحيد لهم هاد الرويـس ,

ـ كنغلي المـا ونحط الحامض ( وهو مازال صحيح ) في إناء
ونغطي عليه مزيان بالماء ونحط شـي حاجة اللي تتقل عليه
باش مايطلعوش فوق الما .

ـ ونخليهم حتى يبرد الما نهائيا عاد نزولهم منوا .



كنقطع بحال هكدا في الصورة كنحيد
الحواف لكنت غنقطع لمربعات أو أنصاف دوائر . أما لبغيت نخليها
كاملة كنخلي لها هاد الحد التحتاني باش يبقى شكلها مزيان .

ـ أنا ختاريت نقطعهم على ربعة بلاما نقطع باش تبقـى مقبوطة الحامضة ..


ـ وكنحيد لها بيدي العظيمات كاملين مع الضغط باش نطلع حتى العصير اللي ممكن
يطلع بلا نفقدها شكلها ( بلاما نعصرها نيت ) .
ونعمر كل واحـدة بالملح بزايد ..

ـ نستف الحامض في القرعـة ديال التصبير ونعمر عليها بالعصير ديال الحامض
اللي صفيناه من العظيمات اللي كنا حيدنا ونزيد فوقوا الزيت حتى يتغطى الحامض 
مزيان باش مايتسلل لنا الهواء للحامض لأنه غيفسد لكان شي هواء ..
 
 
ـ بطبيعـة الحال القرعة خاصها تكون معقمة من قبـل ..
نسدوا بإحكـام ونخليهـا جوج أسابيع 

وهاهو واجد

بالصحة والراحة .