حلوة مزوقة

السلام عليكم غالياتي

وصفة اليوم جديدة وذوقها راااائع تولام المناسبات والافراح .هذا الوصفة لاخت تعلمتها من عند واحدة مختصة في الحلويات جزاها الله كل خير وانا بدوري جربتها وصورتلكم المراحل ان شاء الله تنال اعجاب الجميع.

http://

المقادير:

500غ مرقرين
كاس سكر رطب
7 صفار بيض والبياض نحتفظ به في المجمد ممكن نعمل به المورانغ لي سبق وحطيتها
كاس كاوكاو محمص ومرحي خشين
نص كاس جلجلان
نصف كاس نواد كوكو
2 م ك كا كاو وهذا اختياري ممكن نترك العجينة بيضا
1 خميرة
فرينة
نحتاج ايضا شكولة
طلية
معجون
كاوكاو

الطريقة:

نخلط السكر مع المرقرين بالباتور جيدا ثم نضيف الصفارونستمر في الخلط ثم الكاوكاو والجلجلان والنواد كوكو والخميرة ونلم بالفرينة حتى نتحصل على عجينة مثل عجينة الصابلي مالازمش تكون يابسة باه نقدر نشكلها

http://

نشكل كويرات بحجم 28غ

ونضغط شوية بالكف او اصابع اليد حتى نتحصل على شكل يشبه نوعا في حبة الفرولة او بيضة صغيرة

http://

ندخلها للفرن تطيب على 180درجة راح يزيد حجمها وراح نلاحظ انها تشققت نوعا ما نوغمال لان فيها جلجلان حب وكاوكاومدشش مع الخميرة تتشقق شوية نخليه تبرد تماما

هذا شكلها بعد ماطابت شكلها اصبح يشبه نوعا ما البيضة

http://

الان نقوم بتحضير الطلية
ناخذ بياض نخفق شوية بالشوكة ونضيف الفاني والسكر الرطب لي كنا غربلناه قبل وشوية ملون ابيض حتى نتحصل على طلية نزين بها الحلوى نحطها في لابوش ادوي

http://

من جهة نذوب الشكولة على حمام مائي ونضيفلها شوية حليب ونحرك نغطس حبة الحلوى في الشكولة مانغطسهاش كامل حوالي ثلاثة ارباع من طول الحبة وقبل ماتجف الشكولة نشكل خطوط بالطلية لي حضرناها


http://

بواسطة كوردون نعطيها شكل مثل الميلفاي

نكمل باقي الحلوى ونخليها تجف من بعد بالبانسو ندهن الجزء المتبقى بالمعجون مالازمش نخفف المعجون بماء الزهر نخلوه ثقيل لان العجينة مافيهاش بزاف السكر
بعد ماندهن بالمعجون ونزين بالكاوكاو نقدم في ليكيسات


http://


عن قرب

http://




http://

ان شاء الله تعجبكم الحلوى وتجربوها

ام اماني