عمل الأرز بالكفته بالخطوات المصورة
Rice Bulkipth
قبل كم يوم حبيت اغير عن الوجبات المعتادة وفكرت بالكفته وبصراحه طلعت روعه وريحة الرز ماشاء الله مرا كانت مميزة
جربوها جد لاتفوتكم
والطريقة على ضمانتي بتطلع معك مضبوطة اذا سويتيها نفس ما اشرحها
مقادير الكفته
2 صدر دجاج بدون عظم وبدون جلد (فيليه)
بصل متوسط
فص ثوم
كزبرة وبقدونس
بهارات مشكلة
فلفل اسود وملح
تقطع أولا الصدور لقطع متوسطة
ثم تفرم
ثم يضاف لها البصل والثوم والكزبرة والبقدونس والبهارات
ثم تفرم
يضاف لها شوي دقيق ابيض
وتعجن وتكور وتدخل الثلاجه لمدة ساعة عشان تتماسك
وثم تقلى في زيت غزير وحاااار
وتترك على جنب
وناخذ الرز ونسلقه نصف سلق ويصفى ويترك جانبا ً
ثم نضع على النار شوي زيت وبصل وفلفل رومي (انا حطيت اللي لونه احمر) ونشوحهم على النار ثم نضيف طماطم مقطعة مع ملعقة كبيرة معجون الطماطم وورق الغار وبهارات مشكلة ومكعب ماجي ونقلب حتى تتسبك
ثم نضيف ماء ساخن شوي ونضيف الكفته المقليه ونتركها خمس دقايق كفايه
ونضيف الارز المسلوق ونرش على الوجه زعفران مخلوط بشوي ماء
ونغطيه ونتركه على نار هاديه تقريبا ربع ساعه
ويقدم مع سلطة الخيار باللبن
منقووووووووووووووووووول
ليست هناك تعليقات:
إرسال تعليق