اشكال رائعة من الصابلي بنفس العجينة

صابلي ببودرة الحليب و الكونفتير

المقادير:

250غ دقيق خاص بالحلويات + قبصة ملح
80غ سكر كلاصي
1 بيضة
125غ زبدة بحرارة المطبخ
2 معالق كبار حليب غبرة نيدو
2 معالق كبار كونفتير المشماش سائل
راس الملعقة صغيرة خميرة الحلوى

للتزيين

كونفتير مشماش
كونفتير فريز+ملون أحمر
الكلوكوز


الطريقة:

نخدمو الزبدة مع السكر كلاصي حتى تولي كريمة

نزيد البيضة و نخلط

نزيد الحليب بودرة و الكونفتير و الخميرة الحلوة و نخلط

و في الأخير نزيد الدقيق و قبصة الملح

نحصل على عجينة مرخوفة شوية
نعمل منها كويرات و نغطيها بالبلاستيك الغدائي و ندخلها الثلاجة على الأقل مدة 2 سوايع

نطلق العجينة بالمدلك فوق طاولة ملبسة بالبلاستيك الغدائي مع رش الدقيق

ناخد قطاعات حسب الرغبة هنا خديت قليبات كبير و صغير
و الفراشة حتى هي الكبير و الصغير

نرشم في الأول بالمرشم الكبير

و ندهن أطرافو بأبيض البيض

نقطع قلب كبير و نرشم الوسط ديالي بالقلب الصغير

نحطو فوق القلب اللي دهناه بابيض البيض

كنحصلو على هاد الشكل

نتبعو نفس الخطوات مع مرشم الفراشة

و نستف الصابلي فوق لاطة ملبسة بالورق السولفيريزي

ندهن بأبيض البيض و نزين الفراشات بالعقيق الفضي

ندخل الحلوى لفران سخون و نقابلها ما خصهاش تتحمر بزاااف

ملي نخرجها من الفران نخليها تبرد و نوجد الكونفتير

نعمل 2 معالق كبار كلوكوز فكاصرونة فوق النار و نزيد الكونفتير و نخليه حتى يغلي (هكدا الكونفتير غيثبت على الحلوى و ما يبقاش يسيح)
نزين بيه الصابلي بهاد الشكل
                                                

و ها بلاطو ديالنا واجد بمقادير بسيطة و طريقة ساهلة أما المداق نخليكم تكتاشفوه ملي تجربوه إن شاء الله

 

 

 

 

النوع الثاني

250

غ دقيق خاص بالحلويات + قبصة ملح
80غ سكر كلاصي
1 بيضة
125غ زبدة بحرارة المطبخ
2 معالق كبار حليب غبرة نيدو
2 معالق كبار كونفتير المشماش سائل
راس الملعقة صغيرة خميرة الحلوى

الملون أصفر و الكاكاو


الطريقة:

كنجمعو العجين و نقسموها على ثلات أجزاء
2 أجزاء متساوية واحد نخليوه أبيض و الآخر نلونوه بالأصفر
و جزء صغير نزيد عليه الكاكاو

نطلق العجين بالمدلك فوق طاولة مرشوشة بالنشا (مايزينة)

نطبع بمرشم دائري مشنف بحال اللي باين فالصورة

نستف الدوائر فلاطة مغطية بالورق السولفيريزي

ناخد العجينة الصفراء و نطلقها بنفس الطريقة

ناخد هاد المرشم

نطبع بيه العجينة و ندهن بأبيض البيض

نحطو فوق دائرة العجينة البيضاء و نضغط

و هاهي النتيجة

نطلق العجينة اللي درنا ليها الكاكاو و نرشمها بطابع صغير ( قمت بتفكيك المرشم ديال الشميشة و قلبتو و رشمت بيه هاد العجينة جاو الدوائر صغار و مناسبين للفراغ اللي في الوسط)
دهنت بأبيض البيض و لصقتهم في الوسط و تقبتهم بالعود ديال الأسنان

دخلت الحلوة لفران مسخن من قبل و نقصت عليها العافية و خليتها تطيب
راقبتها مزيان خاصها تطيب بلا ما تتحمر باش تحافظ على الألوان

و هدا شكلها ملي خرجتها من الفران

منقوووووول