المراحل الاولى لتحضير الحريرة المغربية وكيفية تخزينها في المجمد

1. مقادير وطريقة تحضير  الحريرة المغربية قبل التدويرة الاخيرة ’’الدقيق والما’’

   من يد الاخت ,,..’’ربي حبيبي’’جزاها الله كل خير
   

   عندنا البصلة ومطيشة -طحنتهوم في الخلاط - الربيع والكرفس في الخلاط مع شوية الماء -الحمص مفزك ليلة قبل-لحم مقطع اطراف صغيرة-والتوابل : الملح-البزار-التحميرة-الخرقوم-سكنجبير-ضامة البنة ديال السمن-الزيت كلشي قياس ’’عينك ميزانك.’’
   كنشحروا كلشي العناصر مزيان ثم كنضيفوا ليهم الماء طايب جهد لتر.ونسدوا الكوكوط .ملي تصفر كنحسبوا 10د ونطفيوا عليها .ثم نضيفوا زلافة عدس مغسول و منقي كنشعل عليهم شي 10د بلا مانسد الكوكوط حيت العدس للي عندي دغية كيطيب وما زال غادي يطيب مللي ندوروا الحريرة.(الى طاب بزاف كيولي غير قشور صافي.) صافي مللي تبرد كيكون خليط concentre ديال الحريرة.كنفرقوه على البلاستيك ديال المجمد او في العلب وكندخلوهم المجمد.انا شخصيا كنعملها في بلاستيكات حيت ما كيجتاجوش البلاصة بزاف ونيت ما كانتش عندي البلاصة!.وخليت واحد القياس حتى الغد عاد كملت ليه الطياب حيت عييت.والمراحل غادي نشرحها مع صورها.
   
   
   
   
   
   
   
   
   
   
   
   
   
   
   
   
   
   
   
   ودابا ندوزوا لتكملة طهي الحريرة :
   نخليوا الطنجرة تتشحر مزيان الوقت للي يطيب فيه الماء ثم نرويوا .نتسناوا حتى تغلى ثم ندوروها بخليط الدقيق والماء و مطيشة الحك ونقصواا عليها ونخليوها حتى يطيب العدس وخليط الدقيق مع التحريك مرة مرة-بيني ويينكم هذه المرحلة كتعذبني بالوقوف والتحريك-المهم .ثم نرميوا الشعرية الرقيقة -دغيا كتطيب ونحركوا بيضة مع التحريك-انا ما كانش عندي البيض وما كاينش للي يتسخر لي ههه شفتوا الغربة ههه.وبالصحة والراحة..
   
   
   
   
   
   
   
   
   
   
   
   
   منقوووول

   
   
   

   
   
   
   

   
   

   
   
   

2. 
   

   
   
   

3. 
   

4.