كعب غزال

مقادير
500 غرام دقيق
كاس صغير زبدة مذوبة 2 معالق كبار زيت
1 ملعقة سكر كلاصي
قبصة ملح
فاني
1 ملعقة صغيرة خل
1 بيضة
ماء الزهر لجمع العجين تتكون قاصحة شيئا ما
تتجمع العجينة ومتدلكشي وتتعمل فبلاستيك ترتاح 12 ساعة
العقدة
500 غرام لوز مفسخ ومطحون مرتين مع 200 غرام سكر سنيدة وانا بعض الاحيان تنعمل سكر كلاصي
70 غرام زبدة
قبصة مسكة حرة تكون قليلة بزاف
2 معالق كبار ماء الوهر تيتخلط كولشي وتعمل منو حرابل
في الغد تيتطلق العجينة بواسطة بالمدلك او الة سباكيتي وتوضع وسطها الحرابل وتتشكل على شكل هلاليات الكعب وتتقب بالابرة ونخليوها ليلة كاملة وتطهى على نار مهييييلة لمدة 15 دقيقة الى 20 دقيقة بلا ما يتغير لونهاو اليكم طريقة تشكيل كعب الغزال بالصور

 يجب مراقبته جيدا حتى لا يتحمر كثيرا

وبالصحة والراحة



طريقة اخرى من الاخت للاحبي 
"مقادير العجين"

زلافة طحين+2 معالق زبدة لينة+ملح+ماءزهر باش نجمعوها

"مقادير الحشوة"

نصف كيلو لوزمصلوق +250غ سكر سنيدة+4 معالق ماء زهر+2 معالق زبدة+ملعقة كونفتير
.
"الطريقة"


كنطلقو العجينة في الوراقة وكنكونو طحنا لوز مع سنيدة وخلطناه مع المقادير الاخرى ونديروه حريبلات ونشكلوهم على شكل كعب وندهنوهم بالزبدة ونخلوه يبات حتى لصباح ونتقبوه بالابرة وندخلوه الفرن واحد 5 دقايق ونخرجوه وندهنوه ببياض البيض وندخلوه يكمل الطياب.

بالصحة والراحة